O verán está ao virar a esquina e en Padrón, o Hotel Scala prepárase para ofrecer aos seus hóspedes unha experiencia inesquecible nunha contorna natural única. A praia fluvial de Praíña, xunto á ponte de Pontevea, trátase dunha área de lecer chea de tranquilidade e frescura situada a só uns minutos do hotel. Non a coñeces?
A praia fluvial de Praíña, na Estrada, é o lugar perfecto para a amantes da auga e a natureza. Rodeada de vexetación e bañada polo río Ulla, esta praia fluvial é ideal para gozar dun día asollado en familia, en parella ou entre amigos. As súas augas convidan a refrescarse durante os días cálidos de verán, mentres que a súa contorna ofrece a posibilidade de tombarse ao sol e gozar da natureza.
Esta zona de lecer e baño tamén ofrece a posibilidade de alugar kaiaks e táboas de pádel para gozar dunha divertida tarde de turismo activo entre amigos. E ademais, atoparás grellas e tamén un bar onde tomar algo para refrescarche.
O Hotel Scala non só é o punto de partida ideal para explorar Galicia, senón que tamén está situado nunha vila coñecida pola súa rica historia e tradición. Padrón ofrece unha variedade de actividades recreativas e culturais durante todo o verán, desde a tradicional Feira Medieval ata os xardíns da casa de Rosalía de Castro.
Descobre a auténtica gastronomía local de Padrón, famosa polos seus deliciosos pementos, nos acolledores bares e restaurantes da zona. E para ocasións especiais, o Restaurante Brandal do Hotel Scala convídache a gozar dunha experiencia gastronómica única, deseñada para deleitar tanto aos nosos hóspedes como a visitantes de paso.
Queres visitarnos este verán? Reserva a túa habitación hoxe mesmo e ven a gozar de Padrón e da súa contorna durante as túas vacacións. Esperámoste!
Imaxe: Turismo A Estrada
