Como cada ano chega a Semana Santa e con ela as Festas de Pascua de Padrón. Trátase da festividade máis grande do municipio. Duran máis dunha semana e contan cun impresionante cartel. Esta Semana Santa ven ao Hotel Scala e goza das Festas de Pascua de Padrón.
Declarada Festa de Interese Turístico de Galicia no ano 2022, as Festas de Pascua de Padrón contan xa cunha gran fama. Comezarán o día 8 de abril, cun pregón da man do actor David Amor. Logo continuarán cun concerto de Dorian, unha gran verbena con Unión y Fuerza e o soado concerto de Álvaro de Luna.
A pesar de ser unha celebración relixiosa, como boa festividade galega as verbenas serán abundantes. Os días máis destacados, rendendo homenaxe á Pascua, serán o luns 10 e o martes 11, que contarán coas orquestras Panorama e París de Noia, respectivamente.
Outros grandes da oferta musical galega tamén estarán presentes, como a orquestra Los Satélites o día 9 ou Olympus, que será o broche final das festas o domingo 16. Do mesmo xeito, tamén haberá multitude de DJs que amenizarán estas noites tan festivas.
Ademais da tradicional Feira Cabalar que atrae a miles de persoas, tamén é habitual que o programa das Festas de Pascua inclúa actividades deportivas. O 8 de abril celebrarase a XLII Edición da Carreira Popular, que percorrerá 13 quilómetros saíndo ás 12:00 da Praza de Macías. Tamén levarán a cabo andainas, torneos de ximnasia rítmica, campionatos de xadrez, fútbol ou boxeo.
Xunto con esta atractiva festividade, Padrón ten moito que ofrecer. Recomendámosche que te achegues á Casa Museo de Rosalía de Castro, lugar de nacemento dunha das escritoras galegas de máis calado. Ou do mesmo xeito, tamén podes ir ver o atardecer a un miradoiro ou facer algún roteiro de sendeirismo. Ti decides!
E, para darlle un gusto ao teu padal, podes degustar unha impresionante comida ou cea no restaurante Brandal ou no galardoado Asador O’Pazo, que conta cunha Estrela Michelín e dous Soles Repsol. Para aproveitar esta semana de festas ao máximo podes aloxarte no Hotel Scala, moi próximo ao lugar de celebración das Festas de Pascua. Fai a túa reserva no 981 811 312 ou en hotel@hscala.com.
