No hotel Scala somos moi afeccionados aos deportes de salón. Levamos anos acollendo campionatos de diversa índole e estamos moi orgullosos de que numerosas asociacións e federacións galegas aposten polas nosas instalacións para celebrar campionatos e torneos tanto rexionais como nacionais.É xa tradicional que neses momentos puntuais do ano no que os participantes veñen a Padrón coa ilusión e a enerxía de loitar polo título na súa categoría, todo o noso equipo envórquese en facer da súa estancia un momento para lembrar con agarimo, e cun pouquiño de sorte, un momento de triunfo e superación persoal.
Gustaríanos aproveitar este espazo para agradecer a súa confianza á Federación Galega de Xadrez, que xunto co Clube Xadrez Escola, organizan cada ano os campionatos galegos de xadrez e o campionato galego e internacional Distribunosa. Pequenos e maiores reúnense ao redor dos taboleiros para pensar estratexias e meditar como chegar ao tan ansiado xaque mate.
Tampouco podemos deixar de dar as grazas a AGDARTS, á Asociación Galega de Billar Pool e á Asociación Galega de Dardos, que conseguen edición tras edición que as Finais Nacionais, Open Galego de 3ª e o Open de Bóla 1 e a liga Elite Fisterra de billar sexan un éxito, ademais dos Campionato Galego de Dardos AGD e a Competición Nacional de Futbolín. Neses días Padrón convértese no epicentro da actividade destes deportes de salón, enchendo de enerxía e bo ambiente os arredores.
Amplos espazos, un parking na porta para que un gran número de autobuses e coches poidan estacionar, a situación estratéxica do noso hotel, preto da autoestrada AP-9, a liña de tren que une Vigo coa Coruña e a proximidade con grandes núcleos urbanos como son Vilagarcía, Padrón ou Santiago de Compostela, fan do Scala un espazo perfecto para facilitar a loxística dun evento destas características. O noso hotel, cunha gran capacidade, permite aos participantes poder quedar nas instalacións comodamente mentres loitan polo ansiado trofeo. Os salóns, ademais, posúen equipos audiovisuais adaptados para a celebración de calquera sorteo ou presentación, e para pechar a oferta os nosos restaurantes dispoñen de diferentes tipos de menús, perfectos para celebracións ou comidas de día a día.
Se buscas un espazo adecuado para o teu torneo ou campionato, pensa en nós. Estaremos encantados de atender todas as túas consultas. Falamos?
