A celebración da Pascua en Padrón ten as súas raíces no século XVII, cunha feira cabalar que se remonta aínda máis atrás no tempo, atraendo a tratantes de toda Galicia e mesmo de Castela. Agora, estas festas que se celebran tan preto do noso Hotel Scala, ofrecen unha variada programación con pregón, espectáculos ecuestres, actividades para nenos, eventos deportivos, concertos e moito máis. A Pascua de Padrón congrega unha multitude de visitantes durante a súa celebración e nós queremos convidarte a celebrala connosco. Aínda non viches a programación de actividades?
Declarada Festa de Interese Turístico de Galicia, a festa da Pascua en Padrón ofrece unha ampla variedade de eventos para todas as idades e gustos, comezando co XXXV Raid Cabalar, que arrinca o 23 de marzo pola mañá. A partir dese día e ata o 13 de abril, Padrón encherase de actividades para festexar esta festa, entre elas, os Campionatos galegos de Xadrez que se celebrarán no noso Hotel Scala.
A fin de semana grande das festas comeza o sábado 30 de marzo, coa celebración de múltiples eventos como a tradicional Carreira de Pascua. A partir das 10:00 horas da mañá, as rúas de Padrón énchense de festa con música, verbenas, orquestras e actividades para toda a familia. Entre as actuacións máis esperadas está o concerto de Fillas de Cassandra, quenes actuarán a noite do domingo 31 de marzo.
Outro dos días máis importantes destas festas é o propio luns de Pascua, día festivo en todo o municipio. Desde as 11:00 da mañá, haberá pasarrúas, xigantes e cabezudos e moita música para celebrar estas festas tan tradicionais na vila.
Os días 5, 6 e 7 de abril, celébrase en Padrón a Pascuilla, que é a última fin de semana grande das festas. Música, pasarrúas, eventos deportivos, xigantes e cabezudos poñerán o peche ás festas da Pascua deste ano, aínda que o día 13 de abril terá lugar a Andaina Bisbarra do Sar, que é a última actividade que recolle a programación.
Se este ano non queres perderte ningún día, no noso Hotel Scala estaremos encantados de recibirte para celebrar as festas da Pascua, un dos eventos máis esperados do ano en Padrón. Fai a túa reserva no 981 811 312 ou en hotel@hscala.com e, goza do teu aloxamento connosco!
