Queres divertirte e pasalo de medo esta fin de semana? A nosa cea de Halloween está de volta, desempoa o teu disfrace máis aterrador e horripilante porque xa estamos a preparar todo para unha festividade moi especial. Volve a noite máis terrorífica ao noso Hotel Scala!
Este domingo 31 de outubro non podes quedarte na casa! Aproveitando que o luns é festivo lembrámosche que poderás vivir unha máxica noite connosco. Aínda non viches o noso menú terriblemente apetitoso? Contámoscho!
Imos empezar polo principio, porque os nosos feiticeiros aperitivos sorprenderanche, seguro:
• Cempés chamuscados
• Ósos á grella
O espírito de Samaín apoderouse do noso Grupo Scala para poñer nome a estes pratos, todo froito da nosa imaxinación. En realidade, este menú componse de deliciosos lagostinos á prancha e o noso exquisito churrasco mixto.
E o sabor final poñerao a sobremesa, como sempre moi cremosito. Si, falamos da crema de queixo milenario. Xa a probaches?
Para mollar a palabra teremos como acompañante nosa mellor bodega, con viños agresivos que te enfeitizarán. E queres saber o mellor? A nosa cea é apta para todos os petos porque por 35€ poderás gozar desta deliciosa comida. Apúntate xa!
No Hotel Scala non queremos que te vaias! E por iso, ofrecémosche unha cama onde durmir. Queres coñecer as nosas ofertas especiais para a terrorífica noite de samaín? Aquí vai!
A nosa primeira oferta inclúe a cea con aloxamento e almorzo por só 60€. Se necesitas unha habitación máis, será para ti por 20€ e outros 15€ a maiores polo almorzo do día 1 de novembro.
Como sempre, o noso Grupo Scala non se esquece dos máis pequenos. Os nenos de ata 12 anos terán un 50% de desconto e un menú moi especial: pizza, milanesa e sobremesa.
Se vas pasar a ponte no Hotel Scala poderás ampliar a túa estancia por 25€ a noite. Xa sabes que o noso aloxamento está a un paso das rías Baixas e que nunca está demais pasar uns días por aquí se o teu festivo se alonga. No noso blogue propoñémosvos moitos plans preto do hotel que seguro que descoñeces. Non os perdas!
Fai xa a túa reserva para a arrepiante noite de Halloween e ven pasalo terriblemente ben connosco. Podes chamarnos ao 981 811 312 ou escribirnos un mail a hotel@hscala.com. Xa tes o teu disfrace?
