Padrón é un precioso municipio situado na provincia da Coruña, Galicia. Esta encantadora localidade é coñecida pola súa rica historia, a súa paisaxe e, por suposto, os seus deliciosos pementos de Padrón. Aproveitando que hoxe celebramos o Día do Turismo, apetéceche saber máis da nosa vila?
A nosa vila é o primeiro lugar que aparece na lenda xacobea polo “Pedrón”, un ara romana na que foi amarrada a barca que trasladou os restos do Apóstolo Santiago desde Palestina, e que deu lugar ao seu topónimo.
Por iso, Padrón, ten unha estreita vinculación co Camiño de Santiago, pois o seu papel na historia e a tradición da peregrinación é fundamental, e, ademais, a súa posición no mapa é clave durante o último traxecto do Camiño Portugués.
A localización de Padrón é estratéxica, especialmente para aqueles que desexan explorar Galicia. O municipio está conectado por estrada e ferrocarril, o que facilita o desprazamento a outras partes da comunidade e, ademais, está moi próximo a lugares de interese histórico e cultural.
Padrón está preto de Santiago de Compostela e é a porta de entrada das Rías Baixas. Ademais, a estrada que pasa por diante do noso Hotel Scala, é onde se inicia o vial de conexión coa AP-9, a autoestrada que vertebra Galicia de norte a sur.
O que realmente fixo famosa a Padrón en todo o mundo son os seus pementos. Os pementos de Padrón son pequenos, verdes e a súa particularidade está en que, aínda que a maioría son suaves, de cando en vez te atoparás cun realmente picante, o que engade emoción á experiencia gastronómica.
Doutra banda, o Vermú Petroni, moi apreciado en Galicia, tamén se produce en Padrón, máis concretamente nos viñedos do Pazo Arretén que pertence ao noso Grupo Hotel Scala, pois é aí onde se produce a uva Albariño que dá orixe a un vermú 100% galego.
Ademais da súa gastronomía, Padrón conta cunha fermosa contorna natural. O río Sar, que atravesa o municipio, ten as beiras bordeadas de vexetación. Os seus arredores están salpicados de exuberantes campos verdes e hortas onde se cultiva unha gran variedade de produtos agrícolas. E nos seus bosques, os amantes da natureza poden gozar de carreiros para camiñar e explorar a súa beleza.
En resumo, a contorna natural de Padrón é unha paisaxe diversa e atractiva, xa sexa que esteas interesado na historia, a comida ou a natureza, Padrón ofrece algo para todos os gustos e é un lugar que vale a pena visitar en Galicia.
Aproveita que hoxe celebramos o Día do Turismo e fai a túa reserva no Hotel Scala para visitarnos esta fin de semana. Esperámoste en Padrón!
