Unha excursión, unha viaxe con amigos, unha escapada con toda a familia… Sexa o que sexa que teñas en mente o Hotel Scala é o lugar perfecto para aloxarse en calquera viaxe en grupo. Os seus espazos conquistaranche a primeira ollada e todas as comodidades e servizos do hotel farán que vos sintades coma na casa e gocedes da viaxe como nunca. Pero para que te decidas a elixirnos seleccionamos 7 motivos polos que o Hotel Scala é sen dúbida a mellor opción nunha viaxe así:
1. As súas habitacións
O Hotel conta con máis de 200 habitacións, que permiten aloxar sen problemas a grupos moi grandes. Ademais, algunhas das nosas habitacións son familiares, ofrecendo a posibilidade de aloxar ata catro persoas na mesma habitación. Ideal para viaxes con nenos!
2. Os seus espazos
As zonas comúns do hotel permiten gozar todos xuntos de amplos e variados espazos que se adaptan ás necesidades de cada grupo. O hotel conta con piscina, xardíns, comedores, salóns e ata un parque infantil. Perfecto para grupos numerosos!
3. Aparcadoiro propio e gratuíto
O Hotel Scala conta cun gran aparcadoiro gratuíto nas súas instalacións. Desta maneira, aqueles que elixan vir en coche poderán gozar de aparcamento no mesmo hotel. E para os que prefiran o autobús para unha excursión grupal máis do mesmo, xa que o noso aparcadoiro conta con espazo para estes vehículos.
4. Bos accesos
Ademais, sexa cal for o medio de transporte que elixas, non terás problema algún para chegar. O hotel conta con accesos cómodos e próximos á autoestrada AP-9 e á N-550. Un auténtico luxo para achegarse ao hotel e tamén para moverse desde alí a algúns dos lugares máis emblemáticos da zona.
5. Localización para coñecer Galicia
Se hai algo polo que destaca especialmente o noso hotel é pola súa localización inmellorable para coñecer a zona. É sen dúbida un dos motivos polos que excursións e viaxes en grupo deciden aloxarse nas nosas instalacións. A menos de media hora en coche das praias das Rías Baixas e da cidade de Santiago, o Hotel Scala é o punto de partida perfecto para explorar e visitar Galicia.
6. Organización de eventos
O hotel está preparado para celebrar todo tipo de eventos como vodas, comuñóns ou reunións de empresa. Os nosos espazos, que inclúen tamén o precioso Asador O’Pazo e o histórico Pazo de Arretén ofrecen unha contorna única e adaptada aos gustos de cada cliente. Bota unha ollada aos nosos espazos e elixe o que mellor se axuste ás túas necesidades.
7. Datas especiais
Se o que buscas é pasar un momento diferente en boa compañía, Hotel Scala poncho fácil. Contamos cun bo número de celebracións en datas sinaladas, como Halloween, San Valentín ou Fin de Ano, que fan aínda máis especial se cabe a estancia e ofrecen un toque distinto a calquera viaxe ou reunión de grupo. Déixate sorprender!
Se estás a pensar en realizar unha viaxe en grupo por Galicia, o Hotel Scala é o teu lugar. Estamos a desexar darvos a benvida e facer que a vosa estancia sexa inesquecible!
