Imaxe: Turismo de Padrón
O 2021 está a piques de rematar e, aínda que foi un ano complicado, deunos grandes momentos. Ademais, como ben sabemos, o importante non é como se empeza senón como se acaba. E por iso, hoxe querémosche propoñer 3 experiencias inesquecibles para facer na última semana do ano e remontar este 2021. Quédaste a descubrilas?
Camiña a Compostela para chegar a tempo ás badaladas
Aínda podes facer as últimas etapas do Camiño portugués! A última viaxe do ano é o máis especial, e sobre todo se falamos de descubrir os teus propios límites. Non hai escusa, empeza agora a facer o Camiño e chega a tempo para tomarche as uvas na praza do Obradoiro.
Cando chegues a Santiago, gozarás do privilexio de pisar a cidade en Ano Xacobeo, e terás a oportunidade de cruzar a Porta Santa. Admira a Catedral na súa contorna de nadal. Colle a túa mochila e ponche a camiñar!
Visita Padrón para coñecelo de preto
Agora que é nadal, é un bo momento para visitar Padrón. E é que, aquí atoparás o mellor ambiente nestas festas. Ven a coñecer a nosa vila e proba os sabores de uva albariño. Pois poderás elixir entre probar o viño da nosa Adega Pazo Arretén ou ben, o popular vermú Petroni elaborado tamén en base aos viñedos rosalianos do noso Pazo. E todo isto acompañado dunha espectacular contorna entre as rúas de Padrón.
Ademais, na nosa vila atoparás o comercio local perfecto para ultimar as túas compras de nadal. Poderás ser orixinal e mentres tanto, gozarás das vistas á iluminación máxica do nadal padronés.
É o momento de aventurarse
Esta semana, todo vale! Visita Galipark, o parque multiaventura situado en Padrón e elixe algunha das súas actividades para facer neste nadal. Por se non o sabías, alí atoparás unha pista de xeo sintética: 300 m cadrados que soan a pura diversión. Visítaa só, con amigos ou en familia!
É o momento de sentir como a adrenalina percorre o teu corpo para recibir este novo ano con grandes experiencias ao teu costado, non crees?
Desde o Grupo Hotel Scala, queremos aproveitar para dar as grazas por estar ao noso lado nestes complicados anos. Desexámosvos a todos un bo comezo de ano e un esperanzador 2022. Felices festas!
