Co mes de febreiro xa chega o entroido que, como saberás, é unha festividade que se celebra por toda Galicia. Por iso, no Hotel Scala non queremos quedarnos atrás e hoxe traémosvos dúas propostas moi diferentes e de entroido.
No Hotel Scala somos uns fanáticos do entroido, e é por iso polo que sempre aproveitamos esta escusa para xuntarnos convosco e así celebrar este día. Pois ben, se tes ganas de disfrazarte, o sábado 26 de febreiro tes unha cita moi importante connosco.
O noso Hotel Scala abrirá as súas portas para recibirvos cunha magnífica cea baile. É dicir, o mellor dos nosos ingredientes: un menú espectacular, adaptado á festividade e moita música para divertirse.
Como sabemos que non todos temos os mesmos gustos, no Hotel Scala ofrecémosche dúas propostas diferentes para que poidas elixir que comida se adapta mellor á túa preferencia. Presta atención porque cho contamos!
O menú nº 1 está composto por uns deliciosos entrantes: empanadas variadas de millo, croquetas de cocido e tostas de lacón. Mentres tanto, co menú nº 2, ademais de probar tamén as nosas empanadas variadas de millo, terás na túa mesa boi e lagostinos ao vapor. Connosco nunca botarás de menos o marisco!
En ambos os menús poderás gozar no segundo prato do noso lacón con grelos ou de tenreira asada con guarnición de minestra de verduras. E o toque doce poñerano as nosas filloas recheas e as orellas, dúas das sobremesas máis típicas do entroido galego. Ademais, gozarás de barra libre durante toda esta velada. Que máis necesitas?
Poderás vir divertirte connosco por só 50€ polo menú nº 1 e 60€ se prefires o menú nº 2. E por suposto, para unha noite tan especial contamos cunhas tarifas que inclúen aloxamento e o almorzo do día seguinte. Se queres gozar do menú nº 1 o prezo total será de 80€ e, no caso do menú nº 2 será de 90€.
Ademais destas tarifas, se queres quedarte a comer connosco o domingo 27, o prezo do menú será de 15€ a maiores. Unha noite adicional terá o prezo de 30€, e por un suplemento individual o prezo será de 20€. Si, no Hotel Scala non queremos que te vaias!
Este ano esperámoste no noso entroido máis divertido. Colle o teu mellor disfrace porque esta vez non podemos quedarnos sen gozar desta festa tan simpática e que tanto nos gusta celebrar no Hotel Scala. Fai a túa reserva no 981 811 312 ou escríbenos un mail a hotel@hscala.com. Contamos contigo?
